🔯அற்புத வெற்றி தரும் அபிஜித் நேரம்

🔯ஜாதக கட்டம் போடும்போது 9 கோள்கள், 12 ராசிகள், 27 நட்சத்திரங்கள் உபயோகப்படுத்துகிறோம்.

 ஆனால் நட்சத்திரங்கள் மொத்தம் 28 . இந்த 28 ல் முதல் நட்சத்திரமாக இருந்து நல்லது மட்டுமே தருகிற அபிஜித் நட்சத்திரம் அசுரர்கள், கெட்டவர்கள் பார்வையில் படாமல் இருக்க கிருஷ்ண பகவான் தன் கிரீடத்திலுள்ள மயிலிறகால் மறைத்துவிட்டார்; ஆகவே யார் கண்ணுக்கும் தென்படாமல் சூட்சமமாக அதன் பாதையில் சுற்றி வருகிறது. அப்படி கிருஷ்ண பகவானின் மயிலிறகால் மறைத்தது முதல் அபிஜித் நட்சத்திரத்தின் பலம் ஒருவொரு நாளும் கூடுதலாகி வருகிறது. 12 ராசி கட்டத்துக்குள் எந்த ராசியில் இருந்தாலும் இதர ராசிக்காரர்களுக்கு சிரமம் தராது. இன்றும் ஜோதிடர்கள் தாரா பலம் போன்ற சில விஷயங்களை முடிவு செய்ய இந்த நட்சத்திரம் பயன்படுகிறது. தினமும் அபிஜித் லக்கனம் மதியம் 11-30 முதல் 12-30 வரை உள்ளது.

 லக்கனத்தில் மத்திம பாகத்தில் முழு பலத்துடன் இருக்கும் என்பதால் அபிஜித் லக்கனம் மதியம் 11-45 முதல் 12-15 வரை மட்டுமே கணக்கிடப்படுகிறது.

 சூரிய உதயம் காலை 6 மணியாக கொண்டு அபிஜித் லக்கனம், கோதூளி லக்கனம் பொதுவாக கூறிவுள்ளோம்.

நாம் ஒரு செயல் செய்ய எடுக்கும் நாளில் சூரிய உதயத்தை ஏற்ப இந்த நேரம் மாறுபடும். (உதாரணத்துக்கு சூரிய உதயம் 6-04 என்றால், அன்றைய தின அபிஜித் லக்கனம் 11-49 முதல் 12-19 வரை வரும்.) இந்த நேரத்தில் தொடங்கப்படும்

 செயல்கள் வெற்றி அடையும். தினமும் காலை 5-45 முதல் 6-15 வரை, மாலை 5-45 முதல் 6-15 வரை ஆக இரண்டு முறை வரும் ப்ரம்ம முகூர்த்தமான கோதூளி லக்கனத்தைப்போல அபிஜித் லக்கனத்திற்கும் நாள், நட்சத்திரம், திதி பார்க்க வேண்டியதில்லை.

🔯திங்கட்கிழமை அபிஜித் முகூர்த்த காலத்தில் நல்ல வேலை கிடைக்கவும்,மேலதிகாரிகளின் தொந்தரவு தீரவும் வேண்டிக்கொள்ளலாம்.

🔯செவ்வாய்கிழமை அபிஜித் முகூர்த்த காலத்தில் வீடு யோகம் அமையவும் கடன் தீரவும் வேண்டிக்கொள்ளலாம்.

🔯புதன்கிழமை அபிஜித் முகூர்த்த காலத்தில்குழந்தை பாக்கியம் பெறவும், இழந்ததை மீட்கவும் வேண்டிக்கொள்ளலாம்.

🔯வியாழக்கிழமை அபிஜித் முகூர்த்த காலத்தில் வேண்டினால் வெளிநாடு செல்லும் யோகமும் கல்வியில் மேன்மையும் கிடைக்கும்.

🔯வெள்ளிக்கிழமை அபிஜித் முகூர்த்த காலத்தில் திருமணம் நடைபெறவும் விரும்பியவரை திருமணம் செய்யவும் வேண்டிக்கொள்ளலாம்.

🔯சனிக்கிழமை அபிஜித் முகூர்த்த காலத்தில் வேண்டினால் வம்பு வழக்குகளில் இருந்து வெற்றி கிடைக்கும்.

🔯ஞாயிறு அபிஜித் முகூர்த்த காலத்தில் வேண்டினால் வினைகள் அகலவும் உடல் நலம் மேம்படும்.