உங்கள் ஜாதகத்தில் 7ம் இடத்தில் இந்த கிரகங்கள் இருந்தால் திருமணம் செய்தாலும் வீண்

 🔯ஜாதகம் என்பது நாம் பிறந்த நேரத்தை வைத்து அந்த நேரத்தில் கிரகங்கள் அமைந்திருந்த இடத்தை வைத்து நம்முடைய ஜாதகம் எழுதப்படுகிறது.

 அதன் மூலம் ராசி, லக்கினம் வைத்து, நம் எதிர்காலத்தை ஜோதிடர்கள் கணிக்கின்றனர். நவகிரகத்தில் ஒவ்வொரு கிரகத்திற்கும் ஒவ்வொரு தனித்துவ குணம் உள்ளது.சில கிரகங்கள் சுப கிரகமாக இருக்கின்றன. இவை எந்த கட்டத்தில் இருந்தாலும் சுப பலன்களைத் தரக் கூடியதாகவும், சில கிரகங்கள் அசுபராக இருப்பதால், அந்த கிரகங்கள் சில கட்டங்களில் இருக்கும் போது மோசமான பலன்களைத் தருகின்றன.

🔯ஜோதிடத்தில் 7ம் இடம் என்பது மனைவி, தொழில், கூட்டாளி ஸ்தானம் என்று குறிப்பிடப்படுகிறது.

அதன் காரணமாக திருமண பொருத்தத்தைப் பார்க்கும் போது இந்த 7ம் இடம் மிக முக்கியமானதாகப் பார்க்கப்படுகிறது.

 7ம் இடத்தில் அமைந்துள்ள கிரகத்தைப் பொறுத்து ஜாதகருக்கு எப்படிப்பட்ட மனைவி அமைவார், எப்படிப்பட்ட தொழிலில் பங்குதாரர் அமைவார் என்பது தெரிய வரும்.

அந்த வகையில் நம் ஜாதகத்தில் 7ம் இடத்தில் எந்த கிரகம் இருந்தால் என்ன பலன் என்பதைப் பார்ப்போம்.

🔯7ம் இடத்தில் சூரியன்:

 Sun In 7th House
7ல் சூரியன் அமையப் பெற்றவர் மிக சிறந்த ஒரு வாழ்க்கைத் துணையை பெறுவார். இவர் திருமண வாழ்க்கையில் இணைந்ததும் மிக பிரபலமாக வாய்ப்புள்ளது.

ஆனால் இவருடன் சனி, ராகு, செவ்வாய் போன்ற கிரகங்கள் அமைந்தால் நல்ல திருமண வாழ்க்கை அமைவது மிக கடினம்.

🔯7ம் இடத்தில் சந்திரன்:

 Moon In 7th House
7ல் சந்திரன் அமையப் பெற்றவர் நல்ல அழகான, அன்புள்ள, கருணையுள்ள, ஆன்மிக நாட்டமுள்ள ஒரு துணை கிடைப்பார்.

🔯7ம் இடத்தில் செவ்வாய் :

 Mars In 7th House
7ல் செவ்வாய் அமையப் பெற்றவருக்கு நல்லதும் உண்டு, கெட்டதும் உண்டு. இவர்கள் அதே போல் 7ல் செவ்வாய் அமைந்த துணையை தேர்வு செய்வது அவசியம். அதனால் நன்மை நடக்கும். பொதுவாக 7ல் செவ்வாய் இருந்தால் ஒருவித உற்சாகம், எதையும் செய்து முடிக்கும் ஆற்றல் பிறக்கும்.

செவ்வாயுடன் ராகு சேர்ந்திருந்தால் கஷ்டம் தான்.

🔯7ம் இடத்தில் புதன்: Mercury In 7th House
7ல் புதன் பகவான் இருக்கப் பெற்றவருக்கு நன்றாக படித்த, வசதியான மனைவி அமைவாள்.

உறவினர் முறையில் மனைவி இருப்பாள். அதோடு குடும்பத்தில் மனைவியின் ஆதிக்கம் அதிகமாக இருக்கும்.
காதலில் எந்த ராசிக்கு வெற்றி கிடைக்கும் தெரியுமா? - எந்த ராசியினரை எந்த ராசி காதலித்தால் வெற்றி கிடைக்கும்?

🔯7ம் இடத்தில் குரு :

 Jupiter In 7th House
7ல் குரு பகவான் அமையப் பெற்றவர், நல்ல மனைவி அல்லது கணவன் பெற்று சிறப்பாக வாழ்வார். அதோடு திருமணத்திற்கு பின்னர் ஜாதகதாரர் நல்ல முன்னேற்றம், செல்வத்தை அடைந்து உயர்நிலையை அடைவார்.

🔯7ம் இடத்தில் சுக்கிரன் :

 Venus In 7th House
7ல் சுக்கிரன் பகவான் அமையப் பெற்றவர், நல்ல வசதியான, அழகான துணை அமையும்.

அதோடு கலை, வணிகத்தில் கொடி நாட்டுவார்.

இவர் நல்ல வருவாய் ஈட்டக்கூடியவராக, அழகானவராக இருப்பார்.

 திருமணத்திற்கு பின் சொத்துக்கள் கூடும்.

 சுக்கிரன் 7ல் இருப்பதால் சிலருக்கு இரண்டு திருமண யோகம் ஏற்படலாம்.


🔯7ம் இடத்தில் சனி :

 Saturn In 7th House
7ல் சனி பகவான் அமையப் பெற்ற ஜாதகர், தன் குலத்திற்கு மாறுபட்ட குணமுடைய கணவன் / மனைவி அமையும். இத்தகைய வாழ்க்கையை அவர் துறவற வாழ்க்கைக்கு சமாக இருக்கும்.


🔯7ம் இடத்தில் ராகு :

Rahu In 7th House
7ல் நிழல் கிரகமான ராகு பகவான் அமையப்பெற்ற ஜாதகர் களத்ரபாவம் சரியாக அமையாமல் போகலாம். அதாவது அவருக்கு அமையும் மனைவி நோய் நல பிரச்சினையுடன் இருப்பாள்.

அல்லது தன் குலத்திலிருந்து மாறுபட்டு அதாவது மதம், குலம் மாறிய திருமணம் செய்யக் கூடும்.
ஆண்களுக்கான சாமுத்திரிகா லட்சணம் : திருமணத்திற்கு பெண் பார்ப்பவர்கள் அறிய வேண்டிய அற்புத தகவல்

🔯7ம் இடத்தில் கேது :

 Ketu In 7th House
7-ல் நிழல் கிரகமான கேது அமையப் பெற்ற ஜாதகருக்கு திருமணம் நடப்பதே பெரிய போராட்டமாக இருக்கும்.

 அப்படியே திருமணம் நடந்தாலும் அதில் பெரிய அளவில் பற்று இருக்காது.